“Sağlam genofond naminə” layihəsi ölkədə sağlam genofondun yaradılması üçün maarifləndirmə və məlumat mübadiləsi məqsədi daşıyır. Layihə erkən nikahlar, qohum nikahları və sağlam genofondun necə yaradılması kimi mövzulara toxunaraq genetik xəstəliklərin yayılmasının qarşısının alınması və cəmiyyətin ümumi sağlamlığının yaxşılaşdırılması məqsədi daşıyır.
“Sağlam Genofond Naminə" layihəsi çərçivəsində, Azərbaycanının müxtəlif bölgələrində genetik xəstəliklər mövzusunda seminarlar və panellər təşkil edilir. Hər bir regionda fərqli tibbi sahələrdən mütəxəssis həkimlər iştirak edərək genetik xəstəliklərə dair müasir müalicə protokollarını təqdim edirlər. Layihənin məqsədi genetik xəstəliklər haqqında məlumatı yaymaq və həkimləri bu sahədə təkmilləşdirməkdir. Layihə indiyə qədər Lənkəran,Göyçay və Gəncə şəhərlərində həyata keçirilmişdir.
