Müasir Genetik Diaqnostikanın İmkanları
Genetik diaqnostika sahəsində son illərdə inqilabi irəliləyişlər baş vermişdir. Yüksək texnologiyalı yanaşmalar, dəqiq analiz metodları və beynəlxalq standartlara uyğun tədqiqatlarla genetik testlərin imkanları çox genişlənmişdir. Müsbət təsirlərini tibbin bütün sahələrində hiss etdiyimiz genetik diaqnostika, erkən diaqnozdan şəxsi tibbi yanaşmaya qədər geniş bir spektri əhatə edir.
Tədqiqatlara əsasən, xəstəliklərin 80%-dən çoxu genetik faktorlarla əlaqəlidir. Xüsusilə onkologiya, nevroloji və metabolik pozğunluqların aşkarlanmasında genetik testlər kritik rol oynayır. Bunlara əsaslı nümunə olaraq,BRCA1 və BRCA2 gen analizlərini örnək göstərə bilərik.Bu genlər süd və yumurtalıq xərçəngi riskini müəyyən etməyə imkan verir. Son illərdə aktual olan Farmakogenomika sahəsindəki yeniliklər sayəsində isə fərdi dərman müalicələri daha effektiv hala gəlir, çünki genetik analizlər müəyyən dərman reaksiyalarını qabaqcadan müəyyən etməyə kömək edir.Bundan əlavə, prenatal və neonatal genetik diaqnostika valideynlərə və həkimlərə doğuşdan əvvəl və ya doğuşdan sonra genetik xəstəliklər haqqında ətraflı məlumat verərək, erkən müdaxilə və müalicə imkanlarını artırır.
Hazırda tibbdə istifadə olunan,müasir genetik diaqnostika metodları isə aşağıdakılardır:✅ Tam Genom Sekanslaması (WGS) – Genetik riskləri müəyyən edir və xəstəliklərin irsi faktorlarını araşdırır.
✅ Ekzom Sekanslaması (WES) – Genomun zülal kodlayan hissələrini analiz edərək nadir xəstəliklərin diaqnozunu dəqiq müəyyən edir.
✅ SNP Analizləri – Fərdi genetik variasiyaları öyrənərək fərdi sağlamlıq strategiyalarını təyin etməyə kömək edir.
✅ Mikroarray Analizləri – Genetik mutasiyaların və kopya sayı variasiyalarının aşkar edilməsinə imkan yaradır.
✅ Epigenetik Testlər – Genlərin ifadə səviyyəsini və ətraf mühit faktorlarının genetik koda təsirini öyrənir.
✔️ Xəstəlik risklərinizi vaxtında öyrənin və erkən tədbirlər görməyə başlayın
✔️ Fərdi müalicə planı hazırlayın və dərman reaksiyalarınızı əvvəlcədən bilin
✔️ İrsi xəstəlikləri nəzarətdə saxlayaraq ailənizin sağlamlığını qoruyun
✔️ Sağlam həyat tərzi üçün genetik meyillərinizi öyrənin
Sağlam nəsillər üçün Afgen Genetik Diaqnostika Mərkəzi hər zaman yanınızdadır!
